Hazparneko Ezkila Berri.

J.E.

 1

 Hemezortzi ehun eta hogoi'ta hamabortzeko urthean,

 Zeinu berri bat ezarri dute Hazparne herri nausian,

 Hambat ederki dute altchatu gora eliza dorrean,

 Gogorrek berek dute entzunen berri ingeru guzian.

 2

 Jaun erretorak aspaldi zuen horrentzat egin amentsa

 Hazparnerentzat hain zitekela ezkila eder bat untsa;

 Igurikatu, bai eta luzaz, ez izan halere lotsa,

 Artzain onaren obra onentzat, Hazparnek prest baitu moltsa.

 3

 Urriko azken igandea zen, Krichto Erregeren phesta,

 Zeinu berria Eliz'erdian jauntzi churitan prest presta,

 Boza libratu bai eta gero nahia oihuka,

 Ezkila hunen entzutekotan bazen jendea osteka.

 4

 Ezkila horren bathaioa zen, eman diote izena.

 Chemartin Hodi, Leonie Lissar, aitachi amatchiena.

 Herriko seme, Clement Mathieu, aphezpikua zen jina,

 Zoinak baitauku benedikatu gure "Leonie-Martina".

 5

 Lordako seme, kalonje Garat,hor zen mezaren kantari,

 Elhorri seme, Jaun Bordarrampe kalonje predikari;

 Egun ederra izan da segur Hazparnerentzat bai hori

 Hazparne baitzen zer guzietan etchekoz etcheko ari.

 6

 Ezkil ederra, soinu ozena, oro gaitu loriatu,

 Jaun erretorak bere chedea ederki du bururatu:

 Milesker Jauna! Hazparne duzu hain kurioski aphaindu,

 Bertze amentsik baduzu ere zurekin bat gitazketzu.

 7

 Ezkila joile, Janpiarre Saint-Bois, hau ere zen ohoretan,

 Orgina joile, Andere Carrau, berdin harekilan betan:

 Aphezpikuak eman diote kurutz' eder bat papoan

 Hambat demboraz egin dituzten zerbitzu onen saritan.

 8

 "Oren guziek dute kolpatzen, batek hiltzen azkenean".

 Bozkalentzian, doluminean, goiz, arrats, egun erditan,

 Ditzagun altcha bihotzak gora gur' ezkila aditzean,

 Bethiereko Jainko Jaun onak sarista gaitzan zeruan.