Apezpikuaren sartzea hazparnen.
J.E.
1
Hemeretzi ehun eta hogoita hamabortzian
Uztaileko hilaren hogoi eta zortzian
Phesta eder bat zuten Hazparne herrian
Aphezpiku berriaren lehen agertzian.
2
Hogoi eta zortzia baitzen igandia
Iguzkiak zeraukan oi! indar haundia
Alde guzietarik bildu da jendia
Ikusi nahi zuten Aphezpiku haundia.
3
Aratsaldeko hiruak eta erdietan
Hasketako phartetik tiro bat betbetan
Aphezpikua heldu oto eder hartan
Populua han zagon Eihartzeko borthan.
4
Gazteria ere da ethorria hara
Hautatua baitzuten segur aire ederra
Arribatu denian hekien parrera
Egin izan diote oi! lehen agurra.
5
Ototik dugunian ikhusi jautsirik
Jende guzia zagon bozkariaturik
Lissar zenatur jaunak lagun bat harturik
Ongi ethorri diote gogoa suharrik.
6
Kurutzea denean phartitu bidian
Populu haundi hura zuen gibelian
Aphezpikua han zen guzien erdian
Bere zerbitzariak zituen aldian.
7
Karrikan sartze hortan zeri du behatzen
Alde guziak tuzte lorez inguratzen
Arku eder batian denian arribatzen
Bi aingeruk diote arrosa botatzen.
8
Lehen aldikotz denian gure elizan sarthu
Alkhi eder batian da belaunikatu
Kantika ederrenak ditugu kantatu
Haren mintzaldi ona ondotik aditu.
9
Bezperak direlarik ongi bururatu
Jendetze guzia da betbetan chutitu
Jaun Aphezpikua ondotik segitu
Kampora ezin atheraz lanak izan ditu.
10
Elizari hurbil da gerlako harria
Aphezpikuak han du phausatu loria
Herriko artzain onak "Pater, Ave Maria",
Gazteriak ondotik bere ohoria.
11
Karrikari goiti da orai abiatzen
Populu haundi hura zakola segitzen
Soinulari horik ez dute kitatzen
Misionesten etchean dute despegitzen.
12
Aratsa jin denian zerk du dichtiratzen
Karrikako argiek urrunerat deitzen
Jaun Aphezpikua da karrikan ihiltzen
13
Biharamune goizean aldare gainian
Berrehun haurrez goiti Confirmazionian
Aratsaldian phesta oi Haritz-Barnian
Aphezpikua han zen alki berezian.
14
Orai zauzkigu beraz oro akhabatzen
Jaun Aphezpikua da etcherat phartitzen
Elgarrez gozatzia dugu desiratzen
Fagore hori dugu Jainkoari galdatzen.