Bertsulariaren deia
J.B.
1
Oi herritarrak, frango badira,
kaskoin ta bertze, munduan,
Zuenkin buino hobe bainuke
heiekin bizi gostuan:
Heiek bihotz bat miresten dute
ene boz eta kantuan...
Bainan, hek libro izaki-eta,
lana hemen dut orduan.
Othoi, herritar logaletuak,
iratzar ene oihuan!
2
Negu-minean gure ibaian
ņoņiņak dira pausatzen...
Oihu bitckiak bazterretarat
dituztelarik botatzen!
Heieri esker badakizue
galerna dela hurbiltzen:
Zuen lasterrak, kabalak sartzen,
leiho-atheak zerratzen!
Seinaleari ez zaio nehor
zoroa baizik itsutzen!
3
Berri-berritan besta ederrak
baginituen herrian,
Plazan mundu bat jostatzen ari,
alegrantzia handian.
Arrano beltz bat ikusi nuen
zeru goibeltsu batian.
Noņiņak ere hurbildu ziren,
itsas-alderat abian...
Plazan soinua airos ari zen,
deuseri ohart gabian.
4
Adichkideak, ez dut nahizan
zuen bihotza ilhundu.
Pilotariak gar eta sutan,
nork zen bertzerik behar du?
Musikaz ere nahiko zuten
gazte hainitzek arraildu...
Besta histea etzela pollit,
orduan nintzen ichildu:
Bainan ņoņiņak, erran bezala,
itsas-alderat urrundu!