Battita Eppherre zena
J.B.
1
Hemeretzi ehun ta hogoi ta zazpian
Hau zen apirilaren azken igandian
Berri txarra zitzaikun fin ustegabian
Battitta Eppherre zela zendu tupustian.
2
Zure arra-haurrari iteko plazera
Goizik jeikirik zinen Joan Landesetara
Hura lehen aldikotz Jesusen hartzera
Ta zu mundu huntarik joaiten bertzera.
3
Urteak ginuela elgar ezagutu
Geroztik ainitz bazter baitugu kurritu
Zure konpainiarik ez zait ez dolutu
Pertsutan nahi daitzut eskerrak bihurtu.
4
Ainitzen gisa gerlan partea harturik
Handik betikotz jina ontsa markaturik
Ez zinuen zuk eskas bertzen miner sorik
Eta xahar, erier maitasun bererik.
5
Batean maskarada, berdin pastorala
Nork du xerbitxatua Xuberoa hola
Aita amen dohaina zinuen horrela
Ohoratu duzu zuk euskaldun odola.
6
Goretsiz eki gorri ta elur xuria
Zenbat maite zinuen euskaldun kantia
Halaber maitaturik bertsu koplaria
Jakin duzu herrian zertan bozkaria.
7
Ez baita gizonetan tatxa gabekorik
Usu zinen Jainkoa ganat itzulirik
Mea bilkuretara hutsegin gaberik
Zure fede azkarrak ez men parerik
8
Altzürükü eliza xoko guzietan
Kartsuki bildu ginen zure ehortzetan
Krixtau euskaldun kantu hunkigarri hetan
Zuhaurek ere gostu zinuen moldetan.
9
Jesusek emana du guretzat berria
Han emana dela bertzer ekarria
Zuk denekin izanik nasai izaria
Jaunak eman bezauzu zeruan sana.