Santa Grazi

J., C.-H.

 Halaber entzûn dügü bostetan :

 «Santa Graztarrak dirade basak.»

 Tziauzte hunat ikustera, artetan.

 Har Ihizkundizeko bidexkak.

 Basa Jaun bogatzen badüzie,

 Bi ürhats harekin egin zazie.

 «Zer Jaun eztia dügün baratü,

 Ez batere ez hartaz gü lotsatü.»

 Hel zitaie beste basetara,

 Larhargi laminen ikustera,

 Horiek nula dirade gurekilan,

 Bazter orotan bizi bakian.

 Agian Agerrepeko leziala

 Zütieie beren erresumala,

 Khakuetako arrolla gaintik,

 Lagüntürenko, amiatürik.

 Bedatsian, baguak adelatzen

 Hasten dielarik ostuetan,

 Eta bazter güziak parpiñatzen,

 Sogin zazie, zelü urdintsütan,

 Behibetako Andere Xuria

 Ekarten üda ederreko berria.

 Nihuiz ez diala Santa Graztarrak

 Baketiarrer ebaki büriak,

 Ez eta goxoki zielarik

 Behin ere egin tzarramikarrik.

 Bena heltzen bazidie gütara

 Zien nahastekarien ezartera,

 Jakin zazie besten arabera

 Hala hala girela minbera.

 Bazakien, leheneko ephetan,

 Gure herritarrek, oihanetan,

 Beren güdükarier ikasazten

 Nula hobekinik borrokatzen.

 Behin beno habotan ikusten

 Ahal güntükian besten lagüntzen,

 Etsaiek pettarreko elgiak,

 Satorrak üdüri sathorlanak,

 Ozteka zütielarik itxesten.

 Behin berria zaie ekarten

 Heltzen direla, saldo handian,

 Hegualdilat eraitsi nahian.

 Frankuak ditazke Dagoberrek

 Igorririk Basabürün gora,

 Uskal-Herri ordüko indarrek

 Ezpeitzien üzten hedatzera

 Bere erresuma orotara.

 Santa Graziko güdükariek

 Dütie ixil ixila guaitatzen,

 Ehüarreko naban sar ditian,

 Basa ahüntzen ihiztokian.