Santa Grazi
J., C.-H.
1
Zunbatetan ez dütügü entzütiak:
«Uhuñak dira hanko jentiak.»
Txaputa zaharrak Uskaldünen gañen
Mentez mente han hor erraiten zen,
Erromano tzarrek hedatürik,
Hen gero ondokuek ara hartürik,
Haiñ zien guretzat herratsütürik,
Ez ahalian guri nausitürik.
2
Zer gatik pettarrek arraberri
Holako kurrinka bürdünziri?
3
Bai bena uhuñtza litzateke
Merkatietan kabale saltze:
Ardi, axuri, beste aberetze,
Eroslarier ütziz gabe merke?
Hala hala beste ekoizpentako:
Nula nahian ez gozatzeko
Gük ützi behar ezdeüsentako!
Gure laborariek behar hil,
Eta auherrentako baizik bil...
Huntarzünak dütügü baliazten,
Behar den preziuan ere igorten.
4
Ez dirade oro ogen gabe.
Bena nur nun othe zidie hobe?
Untsa ikusteko zien ogenak
Ezar azkar begi aküliak.
5
Bai Xahako dügü gure izena
Emaztekiak aldiz Xahakina.
URDATX zen aitzinetik Herria,
Beti han bizi gure aia.
Hura bortütik beitügü nasai
Gütan dügü xahütarzüna.
Gihaurtan ere azkartarzüna
Gütan beitügü bihotza garai.