Merezi tuzu Phersuac.
1
Merezi tuzu phersuac
Zuc aurthen, Irisarri;
Admiratu du munduac
Zuc egin Phesta-Berri.
Oro ginen choratuac
Gauzac ikhusteari;
Onhetsi duke zeruac
Batasun eder hori!
2
Utz ditzagula bideco
Aldare dirdirantac,
Halaber leihoetaco
Edergailu charmantac,
Bi herronca luzetaco
Churiz- bezti modestac:
Harmen pean miresteco
Herrico ehun aitac.
3
Lehen agurra zuretzat
Dut, Migel Laranborda:
Soldadoen capitaintzat
Zutaz hoberic non da?
Hirur hogoi primadentzat
Gordin zaude'ta chuta;
Etzare manuarentzat
Zu batere marhanta!
4
Aitzindariaren peco
Errecalde lerdena;
Aldiz haukien ondoco
Arbeletch, gorphutz fina;
Lekhunberric sarjant'aco
Etchechouri laguna:
Denac, tropen bidaltzeco,
Hauturic ederrena!
5
Non aurkhi bi banderari
Han zirenen pareco?
Ithurbide, Auztearti,
Zer gizonac martchaco!
Cotte'ta Ithurralderi
Junta Herriest, Pachco:
Prima laur jaun haukieri
Pabillun ekhartzeco!
6
Gora dire sei zaphurrac
Jendec ezagutzeco;
Amentzat zer unithaurrac
Khilutaric hazteco!
Gurtzen zituzten buruac
Athetan phasatzeco:
Juan zaizcote sos ederrac
Tablier erosteco!
7
Nor da berriz tambour-major
Beso hain biphil hori?
Ez ditu hezurrac gogor,
Nahiz ileac churi.
Bidelia ez da nehor
Zu bezain chuchen ari
Adirazteco: "Berma hor!"
Makhilaz musicari.
8
Elizan suis bat ederra
Ikhustea zait lakhet:
Zoin zinen suisa superra
Igandean, Zokolet!
Seculan balitz beharra,
Entzunaraz dezaket
Duzula-neurri hazcarra
Catedraleco bouquet.
9
Lur lantzale, tratulari,
Bolanjer, menuzerrac
Soldado zarozcu jarri:
Etziren gizon tcharrac!
Espartin egileari
Jarraikitzen harginac;
Thindatzaile, harotzeri
Segi eiherazainac.
10
Oroc anaiac iduri
Maipulisa beltzetan.
Pantalonac denec churi,
Cocarda bonetetan;
Harmac dirdiretan ari
Gucien sorbaldetan:
Osoki zen miragarri
Zoin nahi den begitan!
11
Urhatsa denec batean
Prunki zuten egiten,
Atabalen jo ernean
Norc hobeki phicatzen;
Aitzindarien manuan
Oro, tanc, han gelditzen;
"Genou terre"'co oihuan
Denac mil ukhurtzen.
12
Zueri beraz ohore,
Irisartar zaharrac;
Ez du herria batere
Ttipitu zuen obrac:
Jaincoac badaizcu ere
Deitzen gure indarrac,
Badituzke bethi bere
Irisartar zaharrac.
|