Taboaga eta Alzua-tar Jaokini
Juan Joxe
Agur, berriro goien ikusi
arte, Joakin aiskidea,
euskaldun jator, lagun leial ta
betiko mendizalea.
Ain zuzen mendi-mendian arki
duk ik maite uen pakea,
ta euskeraz, lagun artean, eman
duk biziaren lorea.
Maitasun eta alaitasunez
biotza ik poz-emailea,
aotan beti agortzen ez zen
gizabidezko umorea,
ire esanekin irri-eraziaz
erriko lagunartea.
Jaunak emango al dik merezi
duan sari azkengabea!