Atabit-ko gaztelua
Joxe Miel
Aran chiki polit bat
Da mendi artean;
Loracho bat dirudi
Elorri tartean.
Muño tontor alaya
Da erdi-erdiyan,
Alchatzen dala gora,
Zeruaren billan
Zuaiztiyak dituzte
Onen egiyetan
Diran belardi denak
Zaintzen otzaruan.
Agaunza ibaya berriz
Bere barrenean
Biurka jechitzen da,
Suge baten gisan.
Iturri ugariyak
Sortzen dira azpiyan,
Barrundutzen dirala
Belardi berdean.
Anziñan Atabit-ko
Gaztelua or zan
Orain eleiza dago
Beraren tokiyan.
|