Usurbil'ko Mixiyuan omenez
Aizarna
Lagun batzubek esan dirate
bertso berriyak jartzeko
neronek ere badet asmua
oyen itza mantentzeko
Misiyo batzuk izan ditugu
pekatariyak ontzeko
asmo sendo artu dezagun
Jainkua maitatutzeko.
Apirillaren zazpiyan zuten
etorrera edo asera
jende askokin egin zitzayen
berebiziko arrera
bi aita umill azaldu ziran
artzai onaren antzera
Jesus onaren erakutsiyak
kristauai erakustera.
Astelenian ala esan zigun
kristauak anima bat du
kontu ez dediñ bera okerrera
zuzenbidetik amildu
mundu onetan esaterako
geyenez daude bi ordu
denpora orretan sentsuba duna
aprobetxatu bear du.
Arreta aundiya jarri dezagun
anima salbatutzeko
mundubonetan egiñ ditugun
pausuai begiratzeko
oraindañokon ibilli geran
bide txarrari uzteko
ardi galduak izan bagera
artsayetara biltzeko.
Asteartian itz egiñ zigun
moskorkeriyen gañean
sobra geyegi sartuba dago
gaitz ori gure artian
eraritikan eran zagun baiña
beti biardan neurriyan
gizona abere biurtzen baita
buruba galtzen dunian.
Asteazkenez azaldu digu
eriyotzaren itzala
mundubontako egintza guzik
Jesus'i esan biarra
azkenerako gauza orregatik
degu orlako ikara
kristauarentzat ezta izango
oso momentu ederra.
Eriyotzako gauza ayekiñ
eztu askorik utsegiñ
arrokeriyak zer dakarkigun
garbiro zigun itzegiñ
sasoi oneko indar guziyak
golpe golpera desegiñ
gaitz orretatik iñortxok ere
ezin gentzake aldegiñ.
Ostegunako sayua berriz
juiziyo jeneralari
kristauak badu zintzotutzeko
zerk bildurtuba ugari
munduban bistan geren kontuba
eman bear juez Jaunari
orduban ezta aitzakirikan
izango emateik iñori.
Egun orixe izango degu
osoro bildurgarriya
Juez justubak egingo digu
merezi dan justiziva
lurralde ontan gabiltzan arte
bakoitzak irabaziya
gaiztuentzako zigorra da ta
onarentzako sariya.
Ostiralean azaldu zigun
Inpernutarren larriya
leku artantxe sartutzen danak
dauka ixtillu gorriya
suzko leize tzar izugarri bat
Jaunak propiyo jarriya
aintxe sartzen du bide txarrari
segi nai diyon guziya.
Eziñ deskantzau iñolaz eta
alare eziñ aldegiñ
lagunak etsai biurtukoida
guztizko gorrotuakin
subak berriz dana ingurau
berotasun aundiyakiñ
leku artantxe ene kristauak
ezta izango atsegiñ.
Larunbatean agindu zigun
barkatutzeko alkarri
bata bestien zima oyetzaz
mintzatu zan izugarri
lagun urkuai egiten zaizka
makiñatxo bat txarkeri
Jaunak zerurik eztiyo emango
orrela bizi danari.
Askok libre dala pentsatutzen du
malko batzuk ixurita
lagunai barka zayogun danok
errietari utzita
Jesus gugatik arrenka dago
gurutziari josita
ez ote gera akordatuko
oi orrela ikusita.
Itzaldi oyek aditu eta
ondoren konpesatzera
gure bizitzan egin ditugun
pekatuk aitortutzera
Jesus errukiz jetxiya degu
Usurbildarren tartera
Aste Santuba igarotzeko
ederki prestatu gera.
Igande goizen meza santura
pekatubak aitortuta
gure orduko barrengo poza
eztet utziko aztuta
gure animak gelditu dira
oraiñ oso indartuta
grazi ugariz apaindurikan
Jesus gurekiñ artuta.
Arratsalde ortan itz egin zuten
gizon on ayek azkenez
agurra danoi egiñ ziguten
oso izketa legunez
borondatia badute oyek
ondo azaldu dutenez
gurutza bate utzi digute
mixiyuaren omenez.
Agur gozo bat egiteko onei
agindutzen dit barruak
orretarako almen aundirik
eztauka nere buruak
zuek zerate kistar gaizoen
erakustalle sutsuak
Uri onetan iraun dezala
erain dezuten frutuak.
Kristau guziak libratu gera
etsai txarraren katetik
anima elbarrik sendature bai
pekatubaren galtzetik
oroipen ori ezta juango
sekula gure artetik
agur gozo bai Aita maitiak
Usurbildarren partetik.