Bakarne

Jauregi, Koldobika

 Bakarne ederra bizi zan

 gurasoekin alaiki

 basetxean

 ­Ura lako langille bat

 artuko zun amaikak

 bere etxean.

 Igande goiz guzietan

 Jeisten zan bere amakin

 txadonara,

 ta jaupa entzun ostean

 pozez bere amatxokin

 mendiara.

 Esan zion bein amari:

 «Ama errian zeiñ ongi

 bizi dian.

 Gu baño obeto bai beintzat:

 gu beti lanean zelai

 ta mendian.»

 Au entzun eta aitonaren

 begi legor zar aietan

 ­zenbat negar!

 Ama diru zalearen

 ezpain gateak, ostera,

 irri ta par.

 Il zan aitona ta jun zan

 errira Bakarne ederra

 diru billa.

 Baña amak etzun dirurik

 jaso, ta gañera galdu

 neskatilla.