Artzaitxoa

Jauregi, Koldobika

 Menditik dator artzaitxoa

 negar ta negar gixaxoa,

 bildots ta ardiak bitartean

 mendian pozik jolasean.

 Muñotan urtu da elurra

 t' eguzki-jantziz jantzi lurra,

 bazterrak lorez jos dira.

 ­Guztiok igo nai mendira...

 eta negarrez artzaitxoa

 menditik dator gixaxoa...!

 ­Ai, ezin euzki-argi leunak

 argitu biotz-leiza illunak!

 ¨Zer du gaxoak, zer ote du?

 ¨Ardi maitea nunbait galdu?

 ¨Ala bat-batez artegian

 otsoa sartu bart agian?

 Eguzkiakin bat-batera

 bi artzaitxoen txabolera

 bi aingerutxo zuri-gorri

 egun-sentian gaur erori,

 ta gaxo zegon artzaitxuak

 ikusi ditu aingeruak,

 eta alkarrekin bi itz-egiñaz

 iruok egan atsegiñaz...

 ­Ez izan nunbait ­ai! ludia

 aingeruentzat egokia...

 Menditik dator artzaixoa

 negar ta negar gixaxoa

 ­Bere laguna bitartean

 aingeruekin jolasean...