Aitonaren otoitza
Jautarkol
Pipa erretzen exeita zegon aguretxoa
Besper'ondoren eleiz-aurrean:
dantzara doan illoba Malen andik digaro
ta aitonak dio bere artean:
"Ire begitan daraman, neska,
udako gauen argia,
ire ezpaņetan basoetako
marrubiaren goria.
Udaberriko egunabarren
garrak ire betartean.
Begi guziak beti ireganontz
igande arratsaldean!
Ez ba-diten, ba, oiek ikusten
nik bezela ire biotza
ire barrengo beazunezko
itxaso-nastu mingotza!!".
***
Eta txapelan pipa gordeta
Jaungoikuaren etxera...
Bere illobatxo txoroan aldez
negarrez otoitz-eitera.
