Aitonaren otoitza
Jauregi, Koldobika
Pipa erretzen exeita zegon aguretxoa
bezper ondoren eleiz-aurrean:
dantzara doan iloba Malen andik digaro
ta aitonak dio bere artean:
"Ire, begitan daraman, neska,
udako gaben argia,
ire ezpaiņetan basoetako
marrubiaren gorria.
Udaberriko egunabarren
garrak ire bitartean;
Begi guziok beti ireganontz
igande arratsaldean!
Ez ba-diten, ba, ayek ikusten
nik bezala ire biotza
Ire barrengo beazunezko
itxaso nastu-mingotza!"
Eta txapelan pipa gordeta
Jaungoikoaren etxera
bere illobatxo txoroan aldez
negarrez otoitz-eitera
