Zapaltzaileak erne!
Altzo
Bertso antzeko batzuk jartzea
erabaki dut nik ere
ez da inoren goraipatzeko
ez da inoren ohore
ezaguturik egoera hau
lozorroan eta bare
ustekabean lo ta lo gaude
neguko piztien pare.
Idazki asko darabilkigu
bertsoak gutxi aukeran
ez dakit nola esas daiteken
ongi ulertzeko eran
bai al dakigu artzaiak edo
ardi gizajoak geran
ohartu gabe eorri gera
sistemaren araberan.
Lehendabiziko jarri ziguten
elekzio generalak
gero reformak nahi zuenean
baita ere sindikalak
ta orain berriz jira ta bira
garai konstituzionalak
ze antzerkiak egiten dakin
oligarki espainolak.
Boto garaia iritxi naiez
joanda denbora luzia
esan ziguten nola hori zen
egizko demokrazia
langile orok izan nahi badu
nortasun osoz jantzia
batzarrez egin beharko luke
egin daiteken guztia.
Delegismoak zer kalte ditun
komeni da aztertzea
xamurra zaigu ordezkariak
honela aukeratzea
ez bada lortzen batzarren bidez
guzien parte hartzea
ordezkaritzak berak dakarre
nortasunaren galtzea.
Aipatu gabe ezin daiteke
utzi inola Suarez
eta harmadan buruzagi den
laguntzaile Gutierrez
ezta...ren ordezkari den
gure Felipe Gonzalez
Carrillok berriz ez du merezi
aipatzerikan ere ez.
Euskal herrian badituzte hauk
hain laguntzaile zintzoak
harma bezala hartu dituzte
paktu ta negozioak
auto-eratuz eman ditzagun
guk langileok pausoak
zeren oraindik agintzen dute
"Txiki" hil zuten otsoak.
Ez gaitzan ari gu salakuntzan
beti eskubiarekin
gehiagok ere hareman batzuk
badituzte Madrilekin
azken aldian zer hitzegin dan
ez ahal genezake jakin?
hitzaspertu bat egin baidute
han "Abril Martorell-ekin".
Zihur ez dakit zeintsu daiteken
bide denetan hobea
liderkeriak baztertu eta
aurre-jarri "asamblea"
badakigu zer dugun kanpoko
ta baita zer den geurea
egin dezagun Euskadi libro
ta "langile boterea".
Lortu apurra nola izan dan
hartu dezagun kontuan
gauzak bestela ikusten ditut
ez dakit zer gertatuan
kapitalaren desegiteko
saia borroka harmatuan
baita kalean, lantegietan
eta ez parlamentuan.