Ametsak
Jakakortajarena
Pipa erreaz muñoan
aitona bazkal ondoan
bakar-bakarrik zegoan
exeri-ta sastitxoan.
Malen, berriz, goitik bera
pox-poxik uri aldera...
Itxitik iges larrera
txoria doan antzera.
Biotz-gañean liliak
apaingarri ezarriak
batzuek txuri-txuriak,
beste batzuek gorriak.
Buruan, gogai arroak,
aban, iripar goxoak ;
oiñak, bixkor arintxoak,
jantziak ariñagoak.
«Illobatxoa, nora ua
orrela gaur apaindua?
Ator ona, zoratua...
Entzun zan nere aulkua.»
«Potstara nijoa urira...
(Ez beza jo ez gaizkira).
Lagunak neri begira
zai an egongo bait-dira.»
Pipa erreaz, atean
aitona, an dago gabeaz...
Gorri ta estu antzean
Malen eldu da bidean.
«Ator onera... ator, Malen,
aitenangana lenbaitlen...
zai ta zai egon naun emen
noiz urbilduko ote aizen.»
«Nun ibilli aiz, gajoa...?
Ez aiz i orain lengoa
Nun den irripar goxoa?
Nun den, nun buru arroa?»
Lili zuri usaitsuak
biotz gañean lotuak,
danak ditun igartuak,
danak, danak zimelduak...
Negarrez ago... ? gajoa!
Egin zan naiko-naikoa,
pixtu dedin lilitxoa
ixuri lasai malkoa...
Urak, lora baratzean
pixtutzen du legortean...
Ta malkoak biotzean
lilitxoak zimeltzean.
|