Joxe Legarreta "Petito"-ri
Garai batean zinen
oso mendizale,
orain egin duzu zuk
hemendikan alde.
Beste munduan ere
horrela izan zaite,
«Txirrita» eskolakoak
hitz egiten gaude
gu izango gerala
zure jarraitzaile.
«Pepito», zuk egina
hemengo ikastola,
orain egin nahi zenun
berria eskola.
Zure oroitzapena
gogoan dagola
ez zaitugu ahaztuko
auzoan inola,
gu gara zure fruitu
zu gure arbola.
«Pepito», zugatikan
ez balitz izango
Ereñozun gauza asko
ez ziren egongo.
Zure auzoa hainbat
maite zenulako
bere alde egina
baduzu lan pranko,
zu zinen aingeru bat
Ereñozurako.
«Pepito» Legarreta
egizko euskalduna,
auzo hontako denok
zintugun laguna.
Besteri laguntzeko
izan zaituguna,
«Txirrita» eskolatik
aitortzen duguna:
aukeratzen zaitugu
gure txapelduna.
Ikastola aurrera
atera zenduan
auzotarrok laguntza
eskeini genduan.
Gauza on franko egina
zerade munduan
Jaungoikoaren nahiez
mundutikan juan,
orain goza ezazu
pakea zeruan.
Maite zendun herria
ta maite euskera
gu irten gara zure
ametsei eustera.
Zu guregana ezin
etorri ostera,
Jaunarengatik mundu
hontatik bestera,
zure izateaz beti
oroituko gera.
|