Joanna dohatsua

 Errepika:

 Zeru gainetik,

 Joanna dohatsua,

 Lanho beltzetik

 Geriza mundua.

 1

 Entzuten tutzu boz zerutikakoak

 Eta zare jarreiki heieri.

 Hola zautzun galdegiten Jainkoak

 Ihes bada debeku gozoeri.

 2

 Nesktcha bat soldadoen erdian!

 Hori zare manuz bilhakatu.

 Bainan bethi zure bihotz garbian

 Jesus duzu osoki beiratu.

 3

 Har zazu, har, ezpata lazgarria

 Altcha zazu, ez izan beldurrik;

 Har ere bai bandera bozgarria,

 Beira zazu churi ta ederrik.

 4

 Zurekin da Jainkoaren eskua,

 Zuk ditutzu etsaiak izitzen.

 Emozute hor azkarki gudua.

 Has ditezen bethikotz urruntzea,

 5

 Erresuma nahasia baitzagon

 Ez jakinez errege nor zuen;

 Zuk diozu erakusten non dagon,

 Zuzenezko nausia nor duen.

 6

 Orleanen laster duzu agertu

 Zer den zure Jainkozko indarra,

 Hortaz dire Angelesak ohartu;

 Zu etsaitzat zauzkate bakarra,

 7

 Reims hirirat, lanetan garraiturik,

 Bazoazi beldurrikan gabe;

 Erregek du behar han gantzuturik

 Agertu bai Frantziaren jabe.

 8

 Hau zinuen zabaldua gaindizki,

 Joanna, zure bandera churia.

 Zenaz geroz gudukatu borthizki,

 Zor zitzaion ohore handia.

 9

 Erregeri duzu gero erraiten;

 «Banoa ni orai zure ganik;

 «Hori zautan Jainkoak galdegiten.

 «Joan behar dat amaren ganat nik».

 10

 Zure lana ez da oso oraino;

 Joanna, eman behauzu bizia.

 Othoi bada, zoazi hortaraino;

 Orduan bai salbu da Frantzia.

 11

 Horra non den, horra gaichoa presa

 Juje gaichto batzuen eskuan;

 Bainan dago bere fedean oso;

 Horren gatik hil beharko du suan.

 12

 Khurutziari begiak dauzkalarik:

 «Jesus!» dio. Hori, azken hitza.

 Eta orai zeru eder hartarik

 Betheko du hemengo agintza.

 13

 Izan zaite gerizatzaile berriz,

 Ikhus gure herstura handiak:

 Nausiturik etsaiak daude irriz;

 Badu zure beharra Frantziak.

 14

 Egun othoitz egiten dut zurekin,

 Zuk dezozun Jaunari ereman:

 Jesus bada adiskide enekin,

 Hala atchik: bertzenaz, hal'eman.