Jesus Karrera zanari
X. X.
Negartsu nator lagun maitia
Loretxo bat eskeintzera;
Barrenen dagon atsekabia
Al dan bezela agertzera.
Sinistu biar izandu nuan
Sinistu nai ez nuena nik,
Gaitz txiki batek eaman ziņula
Beste mundura luditik.
Samintasunak neurririk gabe
Ugari negar zotiņak
Barren-barrendik sortu zizkidan,
Utzirik oso atsekabe.
Zure illeta egin ondoren
ĄUra bai nere larriya!
Biotz osua gora zetorren
Biziya kendu nayian.
Laxter ordea bere tokian
Bare gelditu zitzaidan,
Jesukristoren esan bikaņa
Gogoratu nuanian.
"Zorionekuak beti dirala
Zeru eder-ederrian,
Jaungoikuaren maitasunian
Iltzen diranak lurrean".
Maitasunezko musu gozoa
Besarka lazlan-laztana
Jesusi emanaz azken aldian
Il ziņan Ąene laguna!
Aingerutxoak zeru goi goitik
Antxe zeundela esan ziran,
T'albiste onek lasaiturikan
Utzi niņuan poz-pozik.
Errukiorra beti dan Jesus
Biotzez maite zenduan,
Ta Berak oraiņ ordaindu zaitu
Sari ederraz zeruan.
Apaiz gartsua anima zak
Beartsuen ongillea,
Goi-maitasuna gutxik bezela
Gorde zendun biotzean.
Euskaldun zintzo ta langillea
Mingaņez baņo egitez,
Idazle bikain irakaslea
Izan zera nere ustez.
Orixe bera esango dute
zure ikasle ugariyak
T'ezagututa maite ziņuzten
ARGIA'ren irakurliak.
Gure biotzak otoitz sutsuan
Aztuko ez dira egundaņo
Zu ere gutzaz oroitu zaitez
Zauden lekutik zeruan.
