Jeiki, Jeiki

 Jeiki. Jeiki, Eskualdunak, ethorri da eguna;

 Frantziako ipharretik zer deiadar ozena:

 "Eskualdeka salba bedi salbatzen ahal dena!"

 Gazte frango chutitu da bere zuzenen alde;

 Etchearen etsaieri oilarkatuak daude;

 Hegaztinek ohantzeko gogoa ezin gorde!

 Basa jaunak nahi ditu denak berdin ezarri:

 Buru bera, mihi bera, nola eman orori?

 Sagartzeak ez du nihoiz udarerik ekharri...

 Pariseko jende onak beude bethi Paristar;

 Beren zuzen handi hori nihork ez bezote har;

 Bainan othoi guri ere nihor ez bedi jazar...

 Jainkoaren iguzkiak denentzat badu argi;

 Lurrak ere guzientzat ontasun eta ogi

 Munduaren lege hori orok bezate segi.

 Mendietan atzarri da gizon gazte azkarra.

 Adi zagun oiharzunka haren oihu ederra

 Gora bethi Jaungoikoa eta lege zaharra!