Jabier Deunari (eresia)
1.ª
Agertu nai ba-dezu
dezun esku, ta indarra,
gure lan, ta nekea.
kendu baizik ez dezu.
Ai! Orretan asia
ba zeunde zu gaurdanik.
San Jabier, Zerutik...
2.ª
Ez aundi, ta-ez txikirik
arkitzen da munduan
ez duenik askotan
bear asko zerutik.
Zuk au bai dakizula
ez degu guk dudarik:
San Jabier, Zerutik...
3.ª
Beartsuak askotan
zu gana bildu dira:
utsik irten ez dira:
orrelako orduan.
Baldin zu mudatua
ez pa-zaude-geroztik:
San Jabier, Zerutik...
4.ª
Nere bear aundiak
nakar ni gaur zu gana:
ba-dakizu zertara:
jakin beza munduak.
Nik eskatzen dunana
betor emen bertatik:
San Jabier, Zerutik...
5.ª
Anitz da len munduan
zuk egin zenuena:
geldirik egotera
sartu zera Zeruan?
Ezin izain da orkoa
dagoana geldirik:
San Jabier, Zerutik...
6.ª
Len ta gero bat zera
ongi-egillea beti:
ez arren uka-niri
orain bear dudana.
Uste dut, ez nazula
utziko ni galdurik:
San, Jabier, Zerutik...
7.ª
Ba-dakizu bizia
ematen il zenari:
baita beste edozeiñi
bear duen guzia.
Nik ere nai dudana
uste dut gaur zugandik:
San, Jabier, Zerutik...
8.ª
Itzasoz, ta legorrez
zenbait on egin dezu:
zerbait utzi ba-dezu
izandu da, nai gabez.
Zuk nai dezun-guzia
nai du Jaunak gogotik:
San Jabier, Zerutik...
9.ª
Argia bear ba-du:
itsasoko tristeak,
laster zure eskatzeak
eguzkia lotzen du.
Ez bat galdu dedilla,
izan gabez argirik.
San Jabier, Zerutik...
10.ª
Erretzea suari
kendu zenion noiz-bait:
ez diozu utzi nonbait
gatzik ur gaziari.
Bekatuaren gazia
ken ba-ledi gu gandik:
San Jabier, Zerutik...
11.ª
Alaba Seme egiña
ama batek nai zuen:
zure Elizan egin zen
ark eskatzen zuena.
zuk eskatzen deguna
orain biotz guzitik:
San Jabier, Zerutik...
12.ª
Bi toki zuk batetan
bete-zenituen len:
arki zaitez gaur emen
or zaudela Zeruan.
Zu ba-zatoz gu gana
ez-da geroz nekerik:
San Jabier, Zerutik...
|