D.Manuel Lekuona, Euskaltzaindi'ko buruari
Iturritxo
-1-
Erregutxo bat eskatu eta
Jaunari asterakuan,
argitaratu nai nuke zerbait
gure izkuntza goxuan;
euskera jaso duan lagun bat
izan dezagun goguan,
Lekuona'tar Aita Manuel
jardun da gure onduan,
aurrera ere gorde zaiguzu
orrela urte azkuan.
-2-
Txikitandikan gu bezelaxe
ibilli oi zan jolasten,
Balearrain'go apaiz gaietan
asi zan gero ikasten.
Iru urte or bertan egiņik
Gazteiz'en gendun ondoren,
ogei eta bi urterekin zan
asia meza ematen,
egun orretan, ai, gurasoak
zer poza izango zuten!
-3-
Gero Gazteiz'ko apaiz gaietan
irakasle zan ondoren,
jakinduritan jantzi zalarik
orra nola artu zuten.
Ogei urtean bertan jardun zan
an euskera erakusten,
gaztea pranko ibili zuan
gure izkuntza ikasten,
goxoki artzen zituan eta
etzitun nolanai uzten.
-4-
Zerbaitegatik jarri digute
Euskaltzaindiaren buru,
lenago ere gure baratzan
lan eder pranko egin du.
Sasi artean zegon lorea
garbitu eta jarri du;
len illunpean bazegon ere
gaur argitasuna ba-du,
Eskerrak zuri. Gure izkuntzak
zure bearra izan du!
-5-
Oinbeste urte egiņagatik
saiaturikan lanian,
zer egiņa gaur ere ba-dauka,
eztago alperkerian.
Obra ederrik jarria ba-du
bere liburutegian,
maitetasunez gero jardun da
Jaungoikoaren etxian,
len okerretik zijoan pranko
jarri du bide onian.
-6-
Arte zarretan ere zalea,
orra bere alderdiak,
asko aztertu du gai onetan
egiņaz lan egokiak.
Len ezkutuan zeudenak ere
agirin ditu jarriak,
gero askori erakutsia
zan gauza arrigarriak,
orrelakoak bear lituzke
ugari Euskalerriak.
-7-
Gaur Andoain'en bizi da ori,
jaioa da Oiartzun'en,
bere denboran pozik jardun da
lorategia txukuntzen.
Lur mardulean erein zuana
gogoz ari da indartzen,
abesti eder, politak ere
ba-daki berak moldatzen,
anai maiteok, lan oiek orain
jakin dezagun eskertzen.
-8-
Oiartzun bere erri maiteak
egiņa dio omena,
maitetasuna agertutzeko
ori da bide onena.
Senide pranko juan zitzaion
agertzera esker ona;
bertsolariak ere an ziran,
beretzat zer zoriona,
oiek etzuten gutxi poztuko
gure Aita Lekuona.
-9-
Bertsolariak maiteak ditu,
oien maixua da bera,
idazten ere ona dalarik,
epaitzen daki gaņera.
Amaika bider eraman dute
bera epaille maiera,
gero nai luke maitetasunez
artzea danok euskera,
ain aberatsa degun izkuntza
erori gabe lurrera.