Bertsoak nai ditut jarri

Iturritxo

 -I-

 Bertsoak nai ditut jarri

 zabaldu ditezen sarri

 guztiontzat ezaugarri.

 «Bizimodua zalla daukagu»

 esanaz gabiltz alkarri;

 bagiraturik gauzari,

 dendetan saltzen danari,

 berdintsu daude nunari.

 -II-

 Jan bear eta ogiya

 daukagu txit galestiya;

 berdin dago aragiya;

 gero olio eta babarrun

 zeruetan dira iya:

 au da naigabe-garriya!

 orrela dago jarriya

 beste genero guztiya.

 -III-

 Ez nazu ari txantxetan;

 andreak dabiltz kezketan

 sartzen diranez dendetan;

 ordaintzekotan uzten dituzte

 askotxok or apuntetan;

 jakiña gero etxetan

 okasiyuak tartetan

 dituzte familietan.

 -IV-

 Gaur zintzo jokatu arren,

 ikusten degu nabarmen

 zailtasunak nola dauden;

 gero andreak diruarekin

 zer ibillera daukaten;

 zenbatek ez du sinisten

 nola gastatu litezken

 illa bukatu baño len.

 -V-

 Orra gure alderdiya!

 gero daukagu jantziya

 dirua eramangarriya;

 txorakeritan gastatu gabe

 joaten da irabaziya;

 alaere lujo aundiya

 modakin dago jarriya:

 ez alda negargarriya?

 -VI-

 Zori txarrez gure griña

 ez da oso atsegiña;

 orra daukagun dotriña:

 iñoiz kalean ikusten bada

 moda berriko jazkiña,

 polita eta txit piña

 danok nai degu, jakiña!

 modu orretan egiña.

 -VII-

 Nun dauden moda berriyak

 bertara azkar begiyak

 izan arren galestiyak;

 aspertzen gaitu, piska batean

 ibilli eta jantzikak;

 nunbait dira itxusiyak...

 saltzen ezta dendariyak

 saldoan dauzka jarriyak.

 -VIII-

 Gabiltza tamaña ortan

 dauzkagulako plazotan

 piskaka ordaintzekotan;

 bestela ezin litezke asko

 ibilli gaurko lujotan;

 obe da erosi saldotan,

 gero etxean askotan

 miserin ibiltzekotan.

 -IX-

 Len ziranak modakuak

 ez ditugu gustokuak,

 ainbeste kostatakuak...

 urratu gabe gelditu dira

 gure soñeko gaxuak;

 eta zakuan sartuak,

 antxen daude baztartuak

 kendu ditzan traperuak.

 -X-

 Gero damazki gaztiak

 gaur zapata irikiak,

 lokarririkan gabiak;

 jakiña! modan agertu dira

 batek nai ditun klasiak

 takoi mea ta luziak;

 azteko iñoiz txikiak,

 oientzat dira obiak.

 -XI-

 Gauza guzitan aukera

 ekarri naita etxera,

 konturatutzen bagera;

 txanpon batzuek ordaindu bear

 lendabiziko sarrera;

 bañan ortikan aurrera,

 asko dijoaz-atera

 illero bisitatzera.

 -XII-

 Modako gauza guziya

 plazotan dago jarriya,

 bañan ez da pozgarriya;

 moda joanik, gero saldoan

 balio dute erdiya:

 orra, engañagarriya

 gugana da etorriya

 ondatzeko familiya.