Eusebio Guruzeaga
Iturria
Pillotari ta dantzari maisu
Onetako bat zu zera,
Zure ekintzak arriturikan
Askotan egonak gera;
Errebote ta bleka jokuan
Zintzoa izan bazera,
Euskal-jaietan gaiak goitzeko
Neurriz txikiya etzera.
Argatik dago zuk apainduta
Pitxedun Ama Euskera.
Beso biurrak laguntzen zizun,
Besa-gain onak ere bai;
¿Zure euskal-gai eder oiekin
Nork ez du pozik bizi nai?
Oso pozikan egon izan naiz
Aspertu gabe zure zai,
Sinistu zazu Guruzeaga
Arki naizela jolas gai
Zu ikusteak eragin oi dit
Lan egunean ere jai.