Agur astotxo maite
Iturralde, Joxe Mari
Gaur bi milla urte inguru
Elizak dionez
Jesucristo aurkitu zen
asto baten beharrez
gaur hainbat egazkin
orduan ez zenez
herriz-herri ibili zen
berriak emanez.
(berriz)
Ondorengo mendeetan
gizonaren morroi
ematen zaizuna janaz
denari esanaz bai
iñoiz atsedenik gabe
nahiz aste edo jai
neke eta ahuldadez
eroriaz nunai.
(berriz)
Eman behar det behin entzun
nuanaren herri
Jaunak astoa lanerako
omen zuen jarri
baiñan hau datorkit
gaur burura neri
hau al da esker ematea
asto gaxoari?
(berriz)
Egin zaizuna egiteko
ez zendun errurik
baiñan gizonak ez du
egundo kupirik
gorputza ase eta bete
horixe bakarrik
honek ez du ematen
egiñar eskerrik.
(berriz)
Zakurrak zakurkirik
ez omen du jaten
baiñan: guri ez zaigu
gaur berdin gertatzen
astakia jateak
ez gaitu beldurtzen
hau gure gozamena
hezurrak miazten.
(berriz)
Astotxo bat jan degu
guk asetze arren
giro anaikorrean
ongi gaude hemen
ontzi denak garbituz
saiets eta barren
nahikorik egin gabe
aspalditik geunden.
(berriz)
Bagera gaur munduan
hainbat bi ankeko ezagueraz
osatuak
hoiek zapaltzeko
astoarekin bestela
hain gera antzeko
baiñan kertenena zein den
dago ikusteko...
(berriz)
Agur astotxo maite
ikusi artean
beste bizitza omen da
hemengoa uztean
han elkartuko bagiña
egunen batean
belaunikatuko nahiz
umilki aurrean.
(berriz)