Laborariaren Credoa.
Juane Ithurihotz.
1
Ouhourezko erregia, ororen kreatzailia,
Zutan dugu bethi danik ezarri goure fedia!
Zelu-lurren egitia, zoure photere handia
Bai eta mirakulia baita zoure segretia...
2
Jeiki arren, langiliak, argia dugu zabala:
Ikhus ikhus ezazie oi zer argitze ederra!
Maiatzeko ekhiaren elkhitze miragarria,
Zeluko ourdin garbia, primaderaren gochoa!
3
Zuhainak dira mendian soineko berdez beztitzen;
Baratzetan frutatziak liliz polliki garnitzen;
Choriek haien gainian ejerki dute kantatzen;
Zeren bizitze berri bat baitzeie ordian hasten!
4
Ouztailako ekhiaren bero saminen indarra!
Lurretik elkharazten du harek ogitze ederra;
Laborariak akhituz ichourten du izerdia,
Genhatuz ouzta handia, hartaz hazteko mundia!
5
Uda-azkena jin arau, frutak ere dira hountzen,
Ouzta-ondarrak bai ere ordian etcherat biltzen:
Aihenaren mahatsetik zer ardou houna egiten;
Edanez dugu gozatzen bai eta alageratzen.
6
Berantetsi gabetarik negia delarik jiten,
Hotz handiak ere ditu zelhai-menditan egiten:
Etchekoak alkharreki su-bazterrerat hullentzen,
Gazten mardoak erratzen, ichtorioak kuntatzen...
7
Mundu hountako bizia lau sasoinen iduria!
Aitamek girichtinoki emanik erakhouspena,
Amodioz bi bihotzen alkharrekin juntatzia,
Hola familiatzia, bethi izan da legia!
8
Zahartu-eta odola gizounari zaio hozten;
Mundu hountuko egunak nahi eta ez llaburtzen;
Korpitza beheiti eta arima goiti plegatzen;
Zeluko nausi hounari barkhamenduka hertsatzen.
9
Jinko jauna, sinhesten dut mundu hau utzi oudouan,
Ez naizula ahatziko bethiko gau baten zolan.
Behin arima harturik zoure zelu dohatsian,
Korphitza gero daitazu ezarriko harekilan.