Urtain
Iriondo, Antonio (Bekola)
Landare eder bat aldatu dute
Euskalerritako lurren,
arrijasotzen ibili izan da
beti lenbizikogarren.
ŦGran Premioanŧ an ikusi zan
jende guziaren aurren,
asko gelditu ziran orduan
ixilik egon bearren.
Gure mutil au aspalditxoan
arri aundikin zebillen,
ondorenean kapitalera
deitu zioten lenbait-len.
Bai erantzun-e gizon bezela
ain joakabide umillen,
Telebisio bitarte zala
ikusi gendun Madrilen.
Gizaldi ontan oraindik ez da
orrelakorik ikusi,
abilidade zoragarria,
eta indarra itxusi.
Jokatu ber zan tokian probak
egiten ziranen asi,
batek esan zun: bein jasotzen-e
au dago emen nagusi.
Lanak bukatu ondorenean
eman zioten eskua,
jende guziak ala esan zun:
au da gizon berezkua!
Merezi ere alaxe zun da
erregalo eder askua,
bost milla duro balio zitun
kopa bat zillarrezkua.
BOZEOAREN ASIERA
Lengo lan danak atzean utzi;
au dezu beste karrera,
ikusten danez onetan ere
egingo dezu aurrera.
Goientsuenei gustatu zaie
zuk dadukazun jarrera,
segundo asko baiņo lenago
danak dijoaz lurrera.
Lagun bezela itzegitea
pentsatutzen det ŦUrtaiņiŧ,
borondatea beste gauzarik
ezin neioke eskeiņi.
Nolako aziok egiņak ditun
gaude ain ondo jakiņi,
orren aguro mailla oietan
iņor ez dute ipiņi.
Burrukaldia dun bakoitzean
radioetan gaudela,
Oso ederki jokatutzen du:
esaten dute onela.
Esanak zuzen egiten baitu
agindu eta bezela,
berealaxe buruan dula
Europako txapela.
Ori eginda pixka batean
bearko dezu itxogin,
urrena nora jo bear dezun
nagusiakin itzegin
Zeure gorputza preparatutzen
beti saiatu alegin,
konturatu be abildadeak
iņora ez dezan aldegin.
Laguntzailleak onak dituzu,
eta ba dute modua,
zeu ere berriz ez zaude tonto,
argi daukazu burua.
Jartzen bazera prestatu eta,
artzen badezu gogua,
gazte askoa zeran artean
egingo dezu dirua.
Gure Zeztua erri maitean
gizon iaiua ba zeon,
geu ere berriz aspalditxoan
olako baten deseon.
Ara, Manuel, garaian zaude,
atzera beira ez gon,
ogeita amar urte bitarte
jarraitu gogor bozeon.