Ahotz abil bat bada plazan Bardoztarra
Irigoin, Petti
1
Ahotz abil bat bada plazan Bardoztarra,
Ihizin ibiltzeko xakur bat beharra.
Adinez ez delarik oraino zaharra,
Erbi baten hiltzeko da partikularra.
2
Mintzatu izan dute jaun ihiztaria,
Jan nahia zutela harek hil erbia.
Ase ditu eginik saltsa bat handia,
Auzotik ebatsirik gatu bat eria.
3
Gatua zen gaizoa betia negalez,
Ardura etxen zagon ernari izanez.
Debrua ikusi du ezin hatxemanez,
Guardia muntaturik hiru gau egunez.
4
Toki ederrean da Zikite-karrika,
Ihiztariak ere han bere fabrika.
Gatua han zabilan noizean behinka.
Bortan harrapatu du mailu ukaldika.
5
Hil eta ezarri du dilingan krakotik,
Odola zariola beharri zilotik.
Bai eta-re larrutu bortak zerraturik
Nehun ez da holako gatu burregorik.
6
Gatuaren pizua hameka libera,
Laurden bat gehiago ongi pizatzera.
Lau lagunek jateko ez zuten sobera,
Umeak eta oro emanik barnera.
7
Bazen frantses espaņol italianoa,
Azken hunek tiratu baitzuen burua,
Erranez kurritua zuela mundua,
Saltsan kausitu gabe holako gostua.
8
Janari ziren lotu oro harramaska,
Nagusia aintzinian azita beteka.
Undarrik gelditzen zen laguner behaka,
Gatu zahar zikina jan zuten itoka.