Taberna
Irigoien, Endika
mozkorra
I
Hi kamarero hori
etor hadi hona
ta eman iezaidak
baso ardo ona
diruaz ez kezkatu
ez da zoriona
ez pentsa eta ez duda
ta eman gizona
Kamareroa
II
Hi horko mozkor hori
hemen ez da ardorik
baina sobran badago
gizon mozkortirik
ez da etorri behar
inor ere goitik
esateko nolako
mozkorra daukan hik
III
Zu izaten bazara
bai kamareroa
ni izan naiz Erroman
beti Aita Santua
zuk hutsikan daukazu
hor goiko burua
utzi berriketari
ta eman ardua
IV
Nazkagarri ta zikin
baita higuingarri
joan hadi hemendik
ta kalean jarri
ardoa edan eta gehioren egarri
hurrengokoan behintzat
dirua ekarri
V
Ekar ezak ardoa
denentzat pakea
jadanik atera zait
burutikan kea
ni badakit naizela
bai ardo zalea
baina apreziatzen dut
burrukako artea
VI
Emangoizut ardoa
ez beldurragaitik
taberna honetatik
joatekotan baizik
nik eztabaidatzeko
ez bai dut gogorik
joan hadi mezedez
lehengoko bidetik
|