Kolejioko azken juntan.
Bilkhura eder hounen ouhouratzeko
Kobla zoumbait hounturik deiziet khantatuko,
Ene eskazkeria duzie pharkatuko
Bihotzak gogoua beteit laguntuko
Mihia ere bortchaz harier jarraikiko.
Etche maithatu hountan ene ikhoustia
Egun da enetako plazer bat handia.
Ikhousten dit hebentik ziren phentsamentia
Nik dudan ber gozouaz duziela bethia
Heben aisa datiala orok bat egitia.
Berrogei ourthe badu ni heben nintzala
Heben khaousitzen diren hanitch lagunekila,
Ene buria ikousten dut chamar beltcharekila
Chapela chipi hortan aingeru bat bezala,
Ezpeitut ahatzeko nik hori sekula.
Hala noula aiziak ostolia erabilten
Bizitziak gutu oro zinez iharraousten.
Bedera gainti beikira ardura phartitzen
Bizi beharrez oro ordin borrokatzen
Bena haourrian ikhasiak behinere ahazten.
Orhitmencha houn bat ene profesur ohier
Orai nahi dut eman eta mila esker.
Ogenik egin gabe ez bater ez bester
Bat behezten dut heben emaiteko ziren
Haren berthute saintia hanbat betzait eder.
Aita Pouret Jaouna, superiur maitia
Oroz gainetik zinen aphez bat saintia.
Amorio handi batez bihotza bethia
Goure hutsek baziren bere pharkamentia
Ihouk eztu ahatzeko zuk egin hounkia.
Haren ondokouek ere bere merechimentia
Jarraikiten beitire haren ber bidia.
Eskerrik hanich zouri, Jaoun aitzindaria
Egunko Jei ederra, Jinkouak dezala
Daigun ourthian orok arra-berritzia.