Senperen: Karrikan eta baserrian

Irigarai Goizueta, Pablo Fermin (Larreko)

 1

 Pertsu batzuek behar laizkela egin batean Erkazti

 Eta ezin dut errefusatu herriko langile bati

 Ari zarezte azkar lanean karrika edertzen beti

 Gu aiseago ibili gaiten hor goiti eta beheiti

 2

 Gure karrikan trotoirrak ziren gudronez egin berriak

 Itxuraz ziren ilunxko eta orai ditugu gorriak

 Gaurko mendean egiten dire bai obra miresgarriak

 Trotoir ferdekin ditu bideak Artziringo baserriak

 3

 Bide buruan markatzen balitz nun kausitzen den Artzirin

 Ibarrrun gabe kartier bat da Gurutzeko maldarekin

 Frango eremu luzeak ditu etxe multxo on batekin

 Presondegi bat iduri du gaur dituen bide hoiekin

 4

 Artzin gainetik bada bide bat lehengo modan espresa

 Zilo ttikirik ez da ageri, dena da ur eta basa

 Trakturrek ere hikatu eta hor egin behar gau pasa

 Leku ikusten izatua da herri gizonen karrosa

 5

 Ibarrundarrak Artzindarrekin beti ginen gurutzatzen

 Gaur nekezago gare egiten, bide bat galdu ginuen

 Bide komuna laharpean da, xoriek dute kantatzen

 Karliereko jendentzat eta Jainkoa dute goresten

 6

 Jainko maiteak eginak gaitu haundiak eta ttikiak

 Denek dezagun elgar lagundu eginez ahal guziak

 Bainan ttikiak, askoren begiz nola gare ikusiak?

 Inpdsak eta paga lanentzat ez go nihoiz ahantziak

 7

 Senperen dire bidetan egin obra eta lan haundiak

 Gaurko tresnentza behar bezala errebide ta zubiak

 Artzinen ere langile eta tresnak dire etorriak

 Behar duena iragan dadin idekitzen-tu herriak