Senperen da kanbio erretor eta bikario

Irigarai Goizueta, Pablo Fermin (Larreko)

 1

 Gure jaun erretora Borotra kartsua

 Arbeletx jaun apezak dauku ordaindua

 Hamar urtez Senperen zen hemengotua

 Hazparnerat erretor da izendatua.

 2

 Battitt Arbeletx sortu zen Armendaritzen

 Ahal haundiz Jainkoak zuela dohatzen

 Jaunaren deia zuen haurretik aditzen

 Apez ikastegian gazterik sartu zen.

 3

 Eskolak akabatu, Arbeletx apeztu

 Kanbon eta Baionan bikari egotu

 Euskaldun omonier Parisen izatu

 Gero gure erretor zuten izendatu.

 4

 Jin zaikun erretor bat: haundi-ta xinplea

 Karateraz aberats, urguilu gabea

 Kartsu-ta langilea, apez bat maitea

 Guziek dolu dugu horrek gu uztea.

 5

 Maurice Arretz apeza dugu bikario

 Horri bertze kargu bat eman izan zaio

 Euskaldun gazteria horren gomendio

 Omoniergo lana egin behar dio.

 6

 Arbeletx juaiki zailu, heldu Mendiburu

 Berria jakiteko egonik aiduru

 Senperen bikario izana baitugu

 Denek ongi-etorri bihotzez diogu...