Senpereko lakua

Irigarai Goizueta, Pablo Fermin (Larreko)

 1

 Gure lakua,

 Maina lekua.

 Gaur mundu guzian da aipatua.

 Zuenak asmatua

 Bazukeen burua,

 Nasaiki du bildua

 Dirua.

 Berrehun etxez inguratue

 Aratzek dute hor gaina hartua.

 2

 Lakuko lurra

 Ehun ektara

 Herriak merke saldu bertzen-lurra.

 Ikusirik manera

 Lur jabeen kolera

 Zalu ziren atera

 Plazara,

 Ez antolatu hemen afera

 Gan ziren denak tribunaletara.

 3

 Tribunaletan

 Abokatetan

 Hamar urtez ibilirik auzitan.

 Jujeen aintzinean

 Ustez arrazoinean

 Dena maiz da hutsean

 Funtsean

 Behin irabaz, galdu bertzean

 Haundiena da nausi azkenean.

 4

 Jujamendua

 Azken manua

 Parisen ibilirik finkatua

 Dadila ordaindua

 Jabeeri kendua

 Herria bortxatua

 kontua?

 Haundia segur, ezin neurtua.

 Noiz izanen da beraz zuzendua?