Herriko bozak

Irigarai Goizueta, Pablo Fermin

 1

 Primadera bade lore,

 Neure sort-herri Senpere

 Behera jautsia zare.

 Buruzagien hautatzea maltsoki gan da halere.

 Jaun-ta andreak badire,

 Laborari guti dire,

 Guziak sartu balire! railara (bis)

 2

 Lehen ziren bederatzi,

 Ofizioz laborari,

 Fidel karrikatarreri.

 Ehun ektara saldu zituzten miliun txar baten sari

 Denbora gan-ta etorri,

 Zer abantail du ekarri

 Oi gure laborantzari?

 3

 Laborari hoien obrak

 Nausien xede maltzurrak

 Nahasi ditu bazterrak.

 Utzi dituzte guri kentzerat izenetik larre lurrak.

 Diktaturako beldurrak

 Egiten ditu uzkurrak.

 Nork orai xuxen makurrak?

 4

 Kontseilariak behar du:

 Hainitz zerbitzu bihurtu,

 Bertzentzat lanean haitu.

 Batzuk saritzat biltzen zituzten asko ektara eremu,

 Berdin material tornu;

 Gehixago-re baginu.

 Ez egin sobera pleinu.

 5

 Igandian zer gertatu den.

 Bilkurarat ezin jin zen

 Laborari bat hain xuxen.

 Bere ordaintzat karrikatar bat horrék hautatua zuen.

 Bai errex da konprenitzen

 Zertako hemen Senperen

 Ez dugun elgar aditzen.