Gure jaun erretorea

Irigarai Goizueta, Pablo Fermin (Larreko)

 1

 Gazte izaki etaa bihotz-alegera

 Bortz, sei bertsu berriren noha kantatzera.

 Aurthen hoitabortz urthe jin zen Semperera;

 Gure Jaun Erretora: Ellande Borotra.

 2

 Aurthen hoitabortz urthe, bainintzen ni haurra,

 Ez dut ikusi sartzen gure Jaun Ertora,

 Jin zaukun Artzain on bat, sortzez Arbonarra,

 Aphez bat da errotik, kartsu-ta suharra.

 3

 Gure Erretorgoko badu bai talendu;

 Girichtino eskolez hainitz achola du,

 Gazteentzat etche bat chutik du altchatu,

 Bikario etchera ere egina du.

 4

 Ardura ikusten da, Sempere herrian,

 Zeremoni-ederra besta bat denian;

 Klika-ta kantariak aldar-aintzinian,

 Gu othoitzean, kantuz gocho bihotzian...

 5

 Hogoi eta bortz urthez egin dauku ongi,

 Emaiten daukularik kontseilu ta argi.

 Horra erakaspenak, detzagun guk segi;

 Jainkoak eman dauku guzien gidari!

 6

 Jaun Erretor maitea, zutaz kontent gare.

 Agian gu-tartean zu luzeko zare.

 Gure Erretor bertze hogoi-ta bortz urthe

 Egon zaiten, egin dut Jainkoari galde.

 7

 Gure azken orena ethortzen denean,

 Agian hilen gare Jesus bihotzean;

 Orduan sar gitazke gu batasunean;

 Jainkoa laudatzeko han zeru gainean!