Gure jaun bikarioa

Irigarai Goizueta, Pablo Fermin (Larreko)

 1

 Gure jaun bikario: Josep Mendiburu

 Buruzagiek graduz dute aintzinatu

 Zuraiderat erretor dute izendatu,

 Goresmen bizienak gu ganik hartze-tu.

 2

 Lekornen sortua da baserri batean

 Ait-ama laborari batzuen artean

 Girixtinoki zuten altxatu haurrean

 Hola zuen senditu deia bihotzean.

 3

 Jaun Goikoaren deia senditu ondoan

 ikasten egotu da semenarioan

 Bere konfientzia eman-ta Jainkoan

 Arimen salbatzea baitzuen gogoan.

 4

 Gu ganat etortzean ginuen pentsatu

 Hiruzpalau urtentzat zitzaukula heldu

 Jada hameka urte gurekin dela du

 Otoitz-ta lan eginez Senperen laketu.

 5

 Urguilurik ez du-ta, arraia apeza

 Jaunak ez inik ere bi metrako peza

 Jarri-ta ikustea ez da lan errexa

 Denetan seinale da aldiz horren boza.

 6

 Hameka urte baita Senperen egotu.

 Ezin zuten gu ganik sobera urruridu

 Lekorne-ta Senpere hurbil izanen-tu.

 Joaiteko egiterat otoitz eta kantu.

 7

 Mendiburu joaiki-ta ordain Maurice Arretz

 Aorten egina dena Larzabalen apez

 Gurekin zen diakre jadanik bi urtez

 Lagunduz gure artzain Jan Battitt Arbeletx.