Harpeko Akherra.
Jean Iriart.
1
Akher zahar zahar bat bizi da harpean
Egun oroz alhatuz herriko larrean
Primaderako bazka lanjeros batean
Lehen egiter dauku juanden egunean.
2
Akher zahar gaizoak estomakan du min
Harrokaren zolarat erori da behin
Marichela jin dadin ez balu galdegin
Hantchet beharko zuen testamenta egin,
3
Akher zahar hori han zagon harrokan
Lau hatzetan ikhara biltzeko khorrokan
Bizpahiru kabarro baitu estomakan
Sekula holakorik ez omen du ukhan.
4
Marrakaka zagoen harpeari hazka
Pozoindatua zela jana duen bazka
Inharroska dabila jaz erosi klaska
Huhertu dakotela edateko aska.
5
Errekontru gaichtorik gerthatzen bazako
Larru zaharra hun du lan arruntetako
Bizkarreko konkorra chuchentzen bazako
Trapu zaku bat badu Chalbadorrendako.
6
Bederatzi urrun bat egon da regiman
Olio purga baizik ez dakote eman
Marichel jakintsun bat ez balu hatzeman
Arranoek behar zuten sasirat ereman.
7
Orai akher zaharra badoa hobeki
Oraino estomakan ez ditake hunki
Urez garbitzeko ere behar du ausarki
Norteko itsasoa ez litake aski.
8
Akher zaharrak orai badu ba urgulu
Kampotik garbi dela barnekaldia salu
Bimpherra nola duen erakusten balu
Pozoinaren ihesi juan litazke zalhu.
9
Gure akher zaharrak estomaka hutsik
Haragi ketariak izanak tu goizik
Bilgorra ez haragi, nihun ez du jeusik
Khorropilatu baten larru tchar bat bezik.
1O
Ikhustera juan zazko dotzena bat akher
Zombeit lautsuak eta bertze batzu okher
Ernekara zabiltzan eskuin eta ezker
Marichelaren bilha juan dira laster,
11
Akher zahar hori etzagon espantuz
Erremedioen beha lephua luzatuz
Marichelak pikurak ukhantu galdatuz
Sendatuche bada ere denak haren gastuz.
12
Hiru mediku eta lau botikario
Marichelak sukharra jeutsarazi dio.
Hemezortzi pikura sarthu ez bailo
Gure akher zaharra bethikotz adio.