inprimatu
Manifestazioa «Residentziaren» alde
Izenburua:
Manifestazioa «Residentziaren» alde
Sinadura:
Iraola, Rufino (Elorri-Arantza)
Urkizaren iruzkina:
Egilea(k):
Iraola, Rufino

Argitalpena:
Zeruko Argia.
Urtea:
1976
Argitalpenaren urtea:
Alea:
681.zk.
Orrialdea:
32

 

 

 

 

faksimilea ikusteko


Manifestazioa "Residentziaren" alde

 

Elorri-Arantza

 

 Goierriko jendeak

 ez daduka txantxik;

 behar dan haren eske

 ez eta zalantzik,

 gauzak etzeukan eta

 mugitzeko antzik;

 sutan jarri ezean

 ez da urtzen gantzik.

 

 Gaixotegi bat dugu

 eskatzen duguna,

 orain dela bi urte

 agindu zaiguna,

 eta heldu denean

 hasteko eguna

 sala nahi genuke

 hitza jan duguna.

 

 Gure eskubideak

 len ere askotan

 aitatu izan ditut

 nik nere bertsotan;

 osasuna dugu bat

 bat izatekotan

 zertarako besteak

 hau ukatzekotan.

 

 Ikusirik Goierri-

 ko abeleria

 ikusirik Donosti

 aldeko biria

 eman behar, bazaio

 bakoitzai beria

 onartu beharko da

 gure eskaria.

 

 Gonbaraziotxo bat

 oso nabarmena

 Pentsa Gazteiz aldera

 begira gaudena;

 hemen gertako balitz

 han gertatu dena

 biden hilko litzake

 jenderik gehiena.

 

 Tristura ematen du

 hori jakitiak,

 poza emango luke

 lanai ekitiak

 gurasoen biltzar da

 beste elkartiak,

 berdin enpresa jabe

 eta alkatiak.

 

 Kapritxoz ez dugu guk

 atera zarata

 baizik behar bizian

 agertzen gerata

 gáinera ez al zegon

 tratua zerrata?

 Herria zapaltzen da

 majin bat erata.

 

 Agindu zigutena

 ukatuta kito

 gu berriz lehenean

 bizi ala ito

 aitzaki ahul batzuk

 ipini ta listo

 on itxuran badabil

 majina bat gaizto.

 

 Baina guk ez diegu

 pakean pagako

 gezur-saltsa ixilik

 ez dugu tragako

 nahiz eta ipini

 sasiak trabako

 bizi truke hoinbeste

 ez dugu pagako...

 

 Donostikoak ere

 egin du gainezka

 beraz arrazoiz dugu

 guk berria eska

 kejatu dira horko

 moja eta neska

 gaixuak pasiluan

 lekurian ezta!

 

 Ez da errespetatzen

 pertsona arruntik

 eta soluzioa

 legoke urrutik

 ez utz ihes egiten

 Goierri barrutik

 bestela geuk pagako

 deguta  larrutik.

 

 Bildu ginen hogei bat

 mila eta gehio

 orain baiezkua da

 hau dela merio,

 hortatik atera dut

 zenbait ondorio:

 burruka egin behar!

 Zer erremerio!?

 

 


inprimatu