inprimatu
Galdu-gordean datozenak
Izenburua:
Galdu-gordean datozenak
Sinadura:
Iraola, Rufino (Elorri-Arantza)
Urkizaren iruzkina:
Egilea(k):
Iraola, Rufino

Argitalpena:
Zeruko Argia.
Urtea:
1984
Argitalpenaren urtea:
Alea:
1004.zk.
Orrialdea:
41

 

 

 

 

faksimilea ikusteko


Galdu-gordean datozenak

 

Iraola Garmendi, Rufino

 

 Bertsolari izatez

 ez nintzen damutu,

 aspaldiz egon arren

 ixil eta mutu,

 barrenean gordea

 badut hainbat kontu

 eta bihur daitezen

 bertso edo kantu,

 Argiaren basotik

 berriz diot «kuku».

 

 Argiaren argiak

 gaitzala mantendu,

 euskarak horko larre

 goxotan jatendu,

 pasatu arren hainbat

 negu ta abendu,

 oraindik indarrean

 dela ematen du,

 otso tzarrek bizirik

 ez diote kendu.

 

 Sarritan izan zara

 nire oiartzuna,

 zure bidez bada-ta

 hamaika entzuna,

 protesta gabe jasoz

 bertsorik antzuna,

 berdin basamortuko

 hotsaren zantzuna,

 askatasuna zaintzen

 baduzu zentzuna.

 

 Baina azkenaldian

 ez zinen ageri,

 eta horrek kezka bat

 sortzen zidan neri,

 garbi aitortuko dut

 aitortu baledi,

 trantze txarrean zeunden:

 ito ala segi,

 poztu naiz, heldu zaizkit

 kolpean ale bi.

 

 Gero neroni ere

 sarritan etsia,

 azaldu nahi ezta

 dakigun gutxia,

 pentsatze bortitzetan

 burua utzia,

 baina bukatutzear

 denez erauntsia,

 ostadarrak ondotik

 dakar eguzkia.

 

 Artikulu ugari

 genitzake ikus,

 nire ustetan asko

 burutuak tajuz;

 baina aholkutxo bat

 gauza bati buruz,,

 Argia gal ez dadin

 idazleon erruz,

 plumerorik, arren, ez

 geiegi erakus.

 


inprimatu