inprimatu
Aseguroak zer?
Izenburua:
Aseguroak zer?
Sinadura:
Iraola, Rufino (Elorri-Arantza)
Urkizaren iruzkina:
Egilea(k):
Iraola, Rufino

Argitalpena:
Zeruko Argia.
Urtea:
1977
Argitalpenaren urtea:
Alea:
743.zk.
Orrialdea:
44

 

 

 

 

faksimilea ikusteko


Aseguroak zer?

 

Iraola, Rufino

 

 Gaur emazteak oherakoan

 eman didan albistea!

 ez nuen ahal loarentzako

 nere begiak ixtea;

 bere lagun bat agertzen dela

 galdu zorian bistea;

 hogei urteko neska batentzat

 hauxen da hauxe tristea!

 

 Gaitz txarren batek eraso eta

 ari omen da itsutzen,

 erabat ere itsutuko da

 azkar operatu ezen,

 baina munduan ez dago ezer

 behartsuarentzat zuzen,

 miloi erdi bat behar omen du

 midikuak kupi daitezen.

 

 Hara noraino iristen zaigun

 gizonon kontzientzia!

 basakeri hau ikusi eta

 nork hartu pazientzia?

 Ez da merkea, halajainetan,

 neska horren gutizia;

 lehenaz gaina gorrotatzen dut

 kapitalismo guzia.

 

 Baina ez pentsa histori dena

 hemen amaitutzen denik,

 seguroari bat berde

 hileko eman lehenik,

 berak ez ditu gero serbitzen

 behar lukeen laurdenik.

 Hemen dagoen injustiziak

 Jaunok, ez dauka izenik.

 

 Eta deskuidoz etortzen bada

 era hontako gaixorik;

 nahiz gauza ez konpondutzeko

 agertzen zaien kasorik,

 axolagabe geratzen dira

 mutu bizkarra jasorik,

 baina ez dago probintziz kanpo

 seguroan deretxorik.

 

 Barcelonara jo behar eta

 hango erantzuna berriz;

 etor dedila nahi duenean

 miloi erdi bat ekarriz;

 alde guziak josirik daude

 lotsagabe eta zerriz;

 amaika alu probetxatzen da

 pobre, gaixo eta eriz.

 

 Kontzientziak ez du agintzen

 hola inor tratatzea,

 are gutxigo arrisku hortan

 bistarekin jokatzea,

 baina ez pentsa kasualitatez

 denik honen gertatzea,

 kapitalaren interes bat

 langilea zanpatzea.

 

 Baina izango duzu laguntza

 horren eskean bazatoz,

 ahal duguna emango dugu

 bihotz zabal eta gogoz,

 gainera ez du ezerk ematen

 on egiteak hainbat poz,

 limosna baino borroka egin

 ez al dugu hobe askoz.

 

 Badakizue aspaldi hontan

 nik nola idazten dutan,

 batek ez bada beste zeozerk

 beti naukalako sutan

 hainbat arazo konpontzen zailak

 darabilzkigu eskutan,

 ta beste askok soluzioa

 Jainkoak dakin lekutan.

 


inprimatu