Pentsa zazute alargundu bat

Xalbador

 «Pentsa zazute alargundu bat

 eztaike izan uruza

 dolamen hunek, oi! ez dezala

 ainitz gehiago luza.

 Orai urtea ziloan sartu

 andreñoaren gorputza;

 aren arropa antxet dilindan

 penaz ikusten dut-utsa.

 «Geroztik nihaur ere nabila,

 guztia beltzez jantzirik,

 eztut pentsatzen nigar eiteko

 ene begiak besterik.

 Ez pentsa gero, andre gaxoa,

 baden munduan besterik.

 zure arropa berriz soinean

 har dezaken emazterik.