Zubitik begira
Iraola, V.
-¿Zer ari ote dira
batel oiyek denak,
alkarren arrimuan
aiñ geldi daudenak?
-Oiyek egongo dira
detanez ikusten,
ia chipiroirikan
arrapatzen duten.
-¡Zer gauza chokantia!
-¿Chokantia dala
auntzak uste aldezu
achitzen dirala?
-¡Nola moldatzen diran,
gauza orretarako,
jakiñ nai nuke bada
baste baterako.
-¿Nola? Apareju bat
ille guchikua,
amabost edo ogei
braza luzekua
artzendute, chinchilik
pautan aguariña,
dubela, bermakiñ
polliki egiña:
jiran orratz chorrochak
ongi kakotubak,
puntak gora begira
alkarri lotubak
ditubela, ura da
putzura botatzen,
eta eskubarekiñ
asten da dantzatzen.
Zeren esaten duten
dantzatzia orla,
chipiroyari guztiz
chokatzen zayola;
eta ikusirikan
ala fandanguan,
chipiroya presaka
juaten da orduban
jostaketan artubaz
berarekiñ parte,
sarpetatikan preso
gelditzen dan arte.
Orduban kontu aundiz
biarda atera
uretik, eta sartu
gero batelera.
Ez det aitu bestela
arrapatzen danik.
-Beste modura bada
achitzen ditut nik.
-Gusto aundiz nai nuke
modubori jakiñ...
-Gizona, plateratik
tenedoriakiñ.
|