Lore igartua
Iraola, Victoriano
Baratz berdeko lirain polita
Usai gozozko loria,
Atzo zenbaiten deseoa ta
Gaur igartuta lajia:
Urruñtasunak zauzkan ezkero
Orla galdutzaz botia ,
Zure merio sentitutzen det
Biotza penaz betia.
Chori chiki bat beziñ alegre
Etorri ziñan mundura
Chortencho medar berde batetik
Jostallu baten modura ;
¡Zure orduko preskotasuna!
¡Zure orduko ichura!
Gogoratzean beti sartzen zait
Tristetasun bat pechura.
Galaz jantzita guztiz suabe
Mugitzen ziñan aizetan,
Dama gazte bat beziñ airosa
Udaberriko goizetan;
Uriztatua doai aundiaz
Egun sentiko intzetan ,
Baña gaur penaz jartzen naiz zutzaz
Oroitzen naizen denetan.
Lore polita ziñan denboran
Zenbait gustora begira
Zure kolore piñak ikusten
Gelditu izandu dira;
Dizdiz egiñaz perlaren gisa
Eguzkiaren argira,
Baña lengoko zure dizdizak
Ezer gelditu ez dira.
Betiko galdu zaizkizu lengo
Edertasunen indarrak,
Gabaz ez dizu argi egiten
Illargi eta izarrak ;
Ez dizkizu nai intzak gozatu
Goizetan osto igarrak,
Denak jiraka or darabiltzki
Lurrean aize iparrak.
Penaz biraltzen diran bezela
Sentimentuak aizera,
Zu berriz beti usai gozoak
Emanaz bizitu zera:
Zure doaiaz orla gozatzen
Aditu ere bazera,
Eskergabeak oinperatua
Azkenerako iltzera.