|
Kalian
V.
Kanpotar bat zartu zan
Donosti zarrera,
ezdakit zer mandatu
presas egitera.
Ero baten modubun
batetik bestera
zebillela non topo
egindu Garbera
eta gelditu zayo
galde egitera,
zekiyen non bizi zan
On Justo Chistera.
-Bai, bai, erantzun diyo
ta alde aldera,
siņuz emendik nua
erakutzitzera.
Zuaz kalian zuzen
bostgarren atera,
jira zaitia gero
bulebar aldera;
andik iru saltuan
jaistian gain bera
artu zazu berritik
zuzen ezkerrera
eta kontu atera
kale okerrera.
Zuaz arreta aundiz
begira lurrera
etzaitezen erori
muturrez aurrera.
Bi neska zar irtengo
zaizkizu bidera
atso gerri lodi bat
itsusiya bera,
saltzen auzoko dendan
trizpi ta parera
eta nola dan atso
gaistua gaņera
abiyatzen bazaizu
azamarkatzera,
laja zaiza naiz bertan
begi bat atera.
Gero jiratutzian
sei pausos atzera
sartu zaite kiņuka
aurreko echera
churiz pintatutako
lumero trezera
eta zuk billatutzen
dezuna, ancheda.
|
