Jose Mari Zubia, (Mari) bere miragarri baten oroitza
Iraola, V.
¡Non dira gizon jakintsu aien
indar sendoak ¡non dira!
gogoratzian negar malkoak
saltatzen zaizkit begira;
nik baneukake menderatua
¡oh! nik Erato-ren lira,
¡zer pozik! Mari, ateratuko
zinduzkian gaur argira.
Eskatzen diot aingeruari,
eskaka nago zerura,
argi apur bat sar dizatela
gaur nere pentsamentura;
atozte fama zabaltzalleak
egan nere ingurura,
denak batean kanta dezagun
zein zan gizon aundi ura.
Odoi beltz pisu bildugarriak
chimist zorrotzen su-garrak,
beren azpitik ikaraz datoz
itsasoco deadarrak;
urikalduen autsi larriak,
legorrekoen negarrak
laburtzen ditu beso sendoak
eta biotzen indarrak.
Chalupa chiki argal batian
ausarkiz ziran atera,
Mari gidari zuela presaz
urikalduen bidera:
"¡ara analak urian-zion-
"arraun da geazen aurrera,
"itsaso arro indartsuari
"anai geriak kentzera."
Itsas golpeak puzkatu bear.
chalupa menderatuta,
ala zijoan anaien billa
itsasopean sartuta;
olatuari desafioka
odol guziak saruta...
ikusi utzak jartzen zituen
ille muturrak zut-zuta.
Palo zatitu erbalan edo
ol puzka bati eutziak,
olatu zakar irakiñetan
jestu zebiltzan guziak:
itsas goititu orrolaria
turmoi naztuan aiziak...
¡oh! zer trantzetik kentzen zituen
zenbait gizonen biziak.
Baña egun bat ¡oh! ¡zer eguna!
triste sartzen zait gogora,
itsaso puzkak arkaitz gañetik
saltatzen zuten chit gora,
olatu batek ontan chalupa
jo ta botarik ondora,
¡oh! zer agudo galduen billa
Mari irten zan kanpora.
Urezko mendii nabarbenduak
golpez alkarren furian ,
legoi indartzu saurien gisa
orroaz beren aurrian;
"¡ara gizonak-zion-itotsen
"¡ara gaisoak urian!
"¡boga mutillak ¡boga korajez!
"denak atera artian."
Itsas-egazti mokoluziak
chilioz denak gosiak,
egalka ziran beren gañean
kendu bearrez begiak;
olatuaren zurrunbulluak
uzten zituen gordiak,
ziruritela eskutatuak
betiko beldurgabiak.
Itsaso eta alza zorrotzak
ala ziraden indartu,
beren bultzadan arkaitzak ere
nai zituztela urratu;
olatu batek istante artan
bertan zituen ondatu
eta... ¡ah! Mari gisarajoa
etzan geiago agertu.
Biotz aundiko kantauritarra
beldurgarria urian,
euskaldun onak biotz barrenen
gaur daukatena gordian;
anai azkoren salbatzallea,
beti laguntzen urpian,
arkitu zuen arte obia
itsasoaren erdian.
Beti urpean, beti laguntzen
ziran bere zorionak,
zenbait alditan eldu ta kentzen
itsasoari gizonak;
famak, berriro zabaltzazute
orain urrutira zonak,
bada sari au merezia du
ori egiten zuenak.