Arrantzan
Iraola, Victoriano
Zurriola gañetik
iñoiz artsaldetan,
gizon erareko bat
ordu osuetan,
kanabel luze luze
batekiñ arrapazan,
iguzkitan kiskaltzen
gogoz aritzen zan,
dantzatubaz gora ta
bera kanabela,
organoko aspuen
kirtena bezela.
Etzuben arrapatzen
korkoi bat beñere,
nolakuak ziraden
ikusteko ere.
Orra egun batian
non detan ikusten,
etziyola beitikan
amubari jartzen,
eta kupiraz niyon
esan beriala,
¿nola nai du arraya
achitzia orla,
naiz kalatu or beko
arroketatikan,
ez badiyo jarritzen
amuban beitikan?-
zeñek eranzun zidan
aditu baña len.
-Aizazu, garbi, garbi
jokatzen da emen;
ez det nai esatia
neri sekuletan
achitzen ditutala
arrayak mauletan;
pikatu nai dubena
dijuala billa,
eta nai ez dubena
or konpon derilla.
|