Arrantzale baten esana
Iraola, Victoriano
Asko izutu gabe
neguko aiziak,
kalian zabal zabal
egiñaz esiak,
illunabar batian
Jose Banardeta
oso arro zijuan
sagardoz beteta.
Bera zan kantariya;
bera zan dantzari,
bera indartsu eta
bera bersolari.
Ontan topo egiñ du
zijuan birian,
On Pedro sendagiña
pasatzen parian,
eta galdetu diyo
Aitor-en izkeran.
-¿On Pedro, noiz ilko naiz?
-¿Zu noiz ilko zeran?
Laister baldiñ ta bizi
bazerade orla.
-Ezta sekulan ere
bizi banaiz onla.
Ura esanta iya
irauliyan anka,
an juantzan balandraren
gisa balantzaka,
estropoz egiñ eta
bultziaz pareta,
kantari bersuetan
Jose Banardeta.
|