Jainkoa eta ni
Aire, Ferdinand
1
Fede haundiko burrason ganik sortu bainmtzan mundura
Jainko legean hezi ninduten jitean adimendura
Hein zen beroa denbor'hartako eliz'gizonen kar hura
Ziotelarik gaizki eginak zeramala ifernura
Muinetaraino sartu zitzaidan Jaungoikoaren beldurra.
2
Entzuleeri behar diotet heu erran haste-hastetik:
Errexenera nintzan lerrakor gauza guzien gainetik.
Ahulezia ere nagusi izan da egundainotik.
Ukan aholku guzien eta Jainko-beldurraren gatik
Ez nau ez deusek nehoiz beiratu bekatoros izaitetik.
3
Legeak zion erakaspena hausten nuen guzietan
Okaztagarri aurkitzen nintzan Jainkoaren begietan
Nitaz betiko etsi zuela iduritzen baitzitzautan.
Desgustaturik, damuz betea, egon izan naiz bortzetan
Ez sorturikan Jainkoaz deusik ez dakiten tokietan.
4
Orduko apez suhar zintzoek halako arak zituzten,
Etzen maitasun gozo haundirik heien ahotik ixurtzen.
Heiek Jaunari eman itxurak ari ninduen itsutzen,
Zeruko edertasunak berak hotz-hotza ninduen uzten
Gaztiguaren labe garnie baizik ez nuen ikusten.
5
Orai ez dakit, Jauna, zu edo ni aldatu ote naizen,
Egun etzira ene gogoan lengo itxuran agertzen
Gertatzen denaz, oi Nagusia, kartsuki zaitut eskertzen
Gure arteko hoztasun hartaz hasia nintzan aspertzen
Jainko maitea, ordu zen noizbait lagunak izan gintezen.
6
Zure lagune eginez geroz enetzat ez da nekerik
Zure behako samurrak eman nau fidantziaz beterik
IJeusen galderik ez dautzut bade egiten ene baitarik
Ez gaztigua urrun dezazun ez eta sari eskerik
Gaurkotz ez dautzut deusik eskatzen amodioaz besterik.
7
Nehoiz bakerik goza gabeko ene gogo bihurria
Bihotzak edan duen ur onak hil du zure egarria
Ur on guzien jabeak berak emanikan negurria
Horra gauza bat amodioak gure bixtan ezarria
Haren oinetan sortzen zaukula bakearen iturria.