Iainkoaren Ama, nere ama
Urtsuia
Zeren egonen naiz larri ta biotzil?
au zorion andi ta ezin-errana!
nik Ama bat badut, Ama txit laztana
zeru gorenean Iangoari urbil.
Ama orrek beti gogoan marabil,
begi-belarriak ernerik nigana;
bai eskua ere, nik bear dudana
bertan emateko gertu eta zibil.
Ark xukatzen ditu nere, nigar minak
ta berak estaltzen nere oparinak
ta berak arintzen nere neken zama.
Aupa beraz, aupa, ene biotz ori!
etzazula etsi, ex gogo-erori:
Iankoaren Ama bera dut nik Ama!