Gora Maria!

Urtsuia

 Zenbat izar dauden nirnir oskarbian,

 zenbat belar pitxi sortzen bazterretan,

 zenbat osto dardar zuaitz-adarretan,

 zenbat belar-izpi zelai ta mendian:

 Zenbat ondar-ale itsaso-hegian,

 zenbat tanta ibai ta itsas-lezetan,

 zenbat arrauts-kizi firurika aizetan,

 zenbat une diren sekula guzian:

 Orrenbertze begi, esku, oin ta ezpain,

 orrenbertze biotz, arima ta mingain

 banitu ere nik, oi Ama zeruko,

 Ta guzi-guziok zure zerbitzuko,

 alere etzinduzket noski bear bezain

 ongi ta egoki, Ama, ospatuko.